ನಿನದೇ ಆಲಾಪ...

ನೀ ನಡೆದರೆ ನವಿಲು..

ನೀ ನುಡಿದರೆ ಕೋಗಿಲೆ
ನಿನ್ನ ಒಲುಮೆಗೆ ನಾ ಬಲೆ
ಸ್ರವಿಸಲಿ ಪ್ರೀತಿಯ ಸೆಲೆ
--
ನನ್ನಲ್ಲಿ ನಿನಗೆ ಬಲು ಕೋಪ
ಬೇಡ ನನ್ನ ಮೇಲೆ ಪ್ರತಾಪ
ದಿನವಿಡೀ ನಿನದೇ ಆಲಾಪ
ಮನದಲ್ಲಿ ನಡೆದಿದೆ ಕಲಾಪ
--
ನಿನ್ನ ಕಣ್ಣಲ್ಲಿ ಅದೇನೋ ಮಿಂಚು
ಹಾಕ್ತಿದೆ ಮನ ನಿನಗಾಗಿ ಹೊಂಚು
ನೀ ನೀಡದಿರು ನನಗೆ ಪಂಚ್
ನನ್ನ ಪ್ರೇಮದಲ್ಲಿಲ್ಲ ಸಂಚು
--
ನಿನ್ನಂತರಂಗದಲ್ಲಿ ಅಪಾರ ಪ್ರೀತಿ
ಮೂಡ್ತಿಲ್ಲ ಭಾವನೆಗಳ ಅಭಿವ್ಯಕ್ತಿ
ಸರಿಯಲ್ಲ ನೀನಾಡುವ ರೀತಿ
ಹರಡಲಿ ಒಲವಿನ ಕೀರ್ತಿ...