ಮನದ ಮಾತು...

ಮನದ ಭಾವನೆಗಳು ಮನದೊಳಗೆ 

ಮಾತುಗಳು ಬರ್ತಿಲ್ಲವಲ್ಲ ಹೊರಗೆ
ನಿನ್ನ ಕಂಡಾಗ, ಮೌನ ಮಾತಾಗಿ
ಮಾತುಗಳು ಬರೀ ತುಟಿಯ ಕೆಳಗೆ
--
ನೀಲ ನಯನಗಳು ಮಾಡಿದೆ ಮೋಡಿ
ಹೃದಯದಲ್ಲಿ ಹರಿಯಿತು ಚಿತ್ರದ ಕೋಡಿ
ಮನದಲ್ಲಿ ನಿನ್ನ ರೂಪದ ಚೆಲುವ ಕಾಡಿ
ನಿನ್ನ ನಾಡಿಮಿಡಿತದ ಸುಳಿವ ನಾ ಬೇಡಿ
--
ಮೌನ ಮುರಿದು ಮಾತನಾಡಿದೊಡೆ
ಒಲವಿನ ಕಾವ್ಯ ನನಗೆ ತಿಳಿಯುವುದೇ
ಎದೆಯಾಳದ ಭಾವ ಒಡಮೂಡಿದೊಡೆ
ನನ್ನ ಹೃದಯ ಲಹರಿ ಹಾಡುವುದೇ
--
ಮನದ ಭಾವನೆಗಳು ಮನದೊಳಗೆ
ಅದನು ನೀ ಅರಿತರೆ ಸಾಕು ಎನಗೆ
ಜೀವನ ಸಾರ್ಥಕ ಭಾವನೆ ನನಗೆ
ಓ ಮಲ್ಲಿಗೆ, ನೀಡುವೆಯಾ ನೀ ಒಪ್ಪಿಗೆ