ಸಂಪ್ರೀತಿಯ ಸುಳಿಯಲ್ಲಿ...

ಸುಂದರ ಸುಲಲಿತೆ, ಹಂದರದ ಲತೆ

ನಿಸರ್ಗದಿ ನಳನಳಿಸುವ ತರುಲತೆ
ಮಂಜುಳ ಮಧುರ ಕಂಠದ ವನಿತೆ
ನಾ ಆರಾಧಿಸುವ ಹೃದಯ ದೇವತೆ
--
ಸಾಗರದಾಳದಲ್ಲಿ ಸುಳಿದಿದೆ ಸೆಳವು
ಜುಳುಜುಳು ನೀರಿನಲ್ಲಿ ನಿನ್ನ ಸುಳಿವು
ನೀರಲ್ಲಿ ಕಾಣ್ತಿದೆ ಆ ನಿನ್ನ ನಲಿವು
ತಿಳಿಸು ನನಗೆ ಪ್ರೇಮದ ನಿಲುವು
--
ಓ ನಲ್ಲೆ, ನೀನಲ್ಲ ಅಂತಿಂಥ ಹೆಣ್ಣು
ಬಲು ಸುಂದರ ಆ ನಿನ್ನ ಕಣ್ಣು
ನೀ ನಕ್ಕರೆ ಸಿಕ್ಕಿತು ನನಗೆ ಹೊನ್ನು
ನೀ ನಗದಿದ್ದರೆ ನಾ ಮಣ್ಣಲ್ಲಿ ಮಣ್ಣು
--
ಸಂಪ್ರೀತಿ ಸುಳಿಗೆ ನಿನ್ನ ನಗುವೆ ಕನ್ನಡಿ
ನೀ ಹೇಳು ನನಗೆ ಒಲವಿನ ನಾಣ್ನುಡಿ
ಮೆಲ್ಲಗೆ ಮಾತನಾಡು ನೀ ಮೆಲ್ನುಡಿ
ಬರೆಯುವೆಯಾ ಪ್ರೀತಿಗೆ ಮುನ್ನುಡಿ