ನಲ್ಲೆಗೆ ನಲ್ಮೆಯ ಕಾಣಿಕೆ...

ನಾ ಹಾಕುವೆ ನಿನಗೆ ಪ್ರೇಮದುಂಗುರ
ನೀಡುವೆಯಾ ನನಗೆ ಒಲವಿನುಂಗುರ
ನಲ್ಲೆಗಾಗಿ ನಾಜೂಕಾದ ಚಿನ್ನದುಂಗುರ
ಆಗ ನಿನ್ನ ಮನಸು ಬಲು ಸುಮಧುರ
--
ನುಣುಪಾದ ನಿನ್ನ ಕೈ ಸೇರಲು ಉಂಗುರ
ಮನದ ಮಾತು ಬಿಚ್ಚಿಡು ನೀ ಮಧುರ
ಅರಳಿದ ಮಲ್ಲಿಗೆ ನೀ ನೋಡಲು ಸುಂದರ
ಮನದಲ್ಲಿ ಮೂಡಿರಲಿ ಚೆಲುವು ಚಿತ್ತಾರ
--
ಪ್ರಖರ ಸೂರ್ಯರಶ್ಮಿ ಕಿರಣಗಳ ವಯ್ಯಾರ
ಕಿರಣಗಳ ರಶ್ಮಿಗೆ ಹೂರಾಶಿ ಅರಳಿತು ಸರಸರ
ಇಮ್ಮಡಿಸಿ ಹೂಗಳ ಸೌಂದರ್ಯ ಮಿರಮಿರ
ನಲ್ಲೆ, ನೀ ನೋಡು ಹೂಗಳ ಸಂಭ್ರಮದ ಸಾರ
--
ಮಾಡಲು ಸದಾ ಸಿದ್ಧ ಪ್ರೀತಿಗಾಗಿ ನಾ ಸಮರ
ಸಮರ ಸಾಧಿಸಿ ತೋರಿಸುವೆ ಪ್ರೇಮ ಅಮರ
ಅಮರ ಪ್ರೇಮದ ಕಥೆ ಹೇಳಿತು ಮಾಮರ
ಕೋಗಿಲೆ ಹಾಡಿ ಸಾರಿತು ಪ್ರೀತಿ ಅಜರಾಮರ