ಸ್ನೇಹದ ಬಂಧ...

ವಿಶ್ವ ಸ್ನೇಹಿತರ ದಿನದ ಸಂಪ್ರದಾಯ

ಪರಸ್ಪರ ಶುಭಾಶಯಗಳ ವಿನಿಮಯ
ಸ್ನೇಹಿತರೊಂದಿಗೆ ಕಳೆಯಿರಿ ಸಮಯ
ಮನಸ್ಸು ಅರಳಿದಾಗ ಎಲ್ಲ ಸ್ನೇಹಮಯ
--
ಆಪತ್ಕಾಲದಲ್ಲಿ ಆಪತ್ಬಾಂಧವನ ಅವತಾರ
ಅಂತರಂಗದ ಸೌಹಾರ್ದಕ್ಕಾಗಿ ಸಾಕಾರ
ಪವಿತ್ರ ಸ್ನೇಹದಲ್ಲಿ ಅಪಾರ ಮಮಕಾರ
ನಯನ ಮನೋಹರ ನಿಷ್ಕಲ್ಮಶ ನಿರ್ವಿಕಾರ
--
ನೋವಲ್ಲಿ ನೊಂದವರಿಗೆ ದಿವ್ಯ ಚೇತನ
ಜೀವಕ್ಕೆ ಜೀವಾಳ ಆಪ್ತನ ಈ ಗೆಳೆತನ
ಕತ್ತಲ ದಾರಿ ಹಿಡಿದವರಿಗೆ ಬೆಳಕಿನ ಕಿರಣ
ಜೀವನಕ್ಕೆ ದಾರಿದೀಪ ಪ್ರಜ್ವಲ ಪ್ರತಿಭಾನ