ಈ ಸಾವು ನ್ಯಾಯವೇ..?

ಸಾಲದ ಶೂಲಕ್ಕೆ ಸಿಕ್ಕಿ ನರಳಿದೆ ರೈತನ ಸಾವು

ನೇಗಿಲ ಯೋಗಿಯ ಸಾವು ತಂದಿದೆ ನೋವು
ಎಲ್ಲರ ಮನೆಗೂ ಬೇಕು ಘಮಘಮ ಹೂವು
ಅನ್ನ ನೀಡುವಾತನ ಬಾಳಲ್ಲಿ ಬರೀ ಕಹಿ-ಬೇವು
--
ಕೋಟಿ ಕೋಟಿ ಜನರಿಗೆ ನೀಡಿದೆ ನೀನು ಅನ್ನ
ಹೊಗಳಿ ಹೊನ್ನಶೂಲಕ್ಕೇರಿಸಿದರು ರೈತ ನಿನ್ನ
ನಿನ್ನ ಮನೆಗೆ ಹಾಕುತಿಹರು ಇಲ್ಲಿ ಎಲ್ಲರೂ ಕನ್ನ
ಯಾರು ಕಾಪಾಡುತ್ತಿಲ್ಲ ಓ ಕಾಯಕಯೋಗಿ ನಿನ್ನ
--
ಉಳುವಾ ಯೋಗಿ.. ಬಿತ್ತುವುದಾ ಬಿಡುವವನಲ್ಲ..
ಬಿತ್ತುವುದಾ ಬಿಟ್ಟರೆ ಯಾರಿಗೂ ಉಳಿಗಾಲವಿಲ್ಲ
ಯೋಗಿ.. ಸೃಷ್ಟಿ ನಿಯಮಕೆ ನೀನಾಗಿರುವೆ ಭೋಗಿ..
ಈ ಲೋಕ ಮರೆತು ಹೊರಟು ನಿಂತಿಹೆ ನೀ ಸಾಗಿ
--
ಮನುಕುಲ ಮಾಡಿಕೊಂಡಿದೆ ನಿನ್ನ ತಲೆಗೆ ತಲೆದಿಂಬು
ಮಲಗಿ ಮಲಗಿ ಎಲ್ಲರ ಹೃದಯ ಆಗಿದೆ ಮಬ್ಬು
ಇಲ್ಲಿ ಮುರಿದು ಹೋಗ್ತಿದೆ ದೇಶದ ಬೆನ್ನೆಲುಬು
ಬೆಂಬಲವಾಗಿ ನಿಲ್ಲಲು ಇಲ್ಲವೇ ಯಾವ ಸೆಣಬು..?