ಕಣ್ಮರೆಯಾದ ಕಾಂತಿಯ ಕಿರಣ...

ಹೊಂಚು ಹಾಕಿ ಮಿಂಚಿ ಮರೆಯಾದ ಬೆಳಕು

ಬೆಳಕ ಹುಡುಕಲು ಹೊರಟ ನನಗೆ ಅಳುಕು
ಒನಪು ಒಯ್ಯಾರದಿ ಹೊಯ್ದಾಡಿತು ಥಳುಕು
--
ನನ್ನಲ್ಲಿ ತನ್ಮಯ ತಂದಿತು ಬೆಳಕಿನ ವಿಸ್ಮಯ
ಚರ್ಯೆ ಕಂಡು ಬೆರಗಾಯ್ತು ಈ ಹೃದಯ
ನಲಿದ ಬೆಳಕಲ್ಲಿ ನುಲಿದ ಸ್ನೇಹದ ಉದಯ
--
ಕಗ್ಗತ್ತಲ ಕಾನನದಲ್ಲಿ ಕಂಡಿರುವೆ ನಾ ಕಾಂತಿ
ತಾತ್ಸಾರದಿ ತಾಪವಾಗಿ ನನಗೆ ತಳ್ಳಿತು ತಂತಿ
ಸುತ್ತುಗಳ ಸುತ್ತಿ ಬಂದೆನು ಹುಡುಕುತ ಶಾಂತಿ
--
ಕಾಂತಿಯ ಕಿರಣದಲ್ಲಿ ಕಾಮನಬಿಲ್ಲಿನ ಮೊರೆತ
ನನ್ನ ಕಂಡು ಬೆಳಕು ಮರೆಯಾಗಿ ಮೆರೆಯಿತಾ?
ಮರೆಯಾದ ಬೆಳಕ ಕಾಣಲು ಮನದಲ್ಲಿ ತುಡಿತ