Curruption (Published)

ಭ್ರಷ್ಟಾಚಾರ ನಿಮರ್ೂಲನೆ ಸಾಧ್ಯವೇ?

ಇಂದಿನ ಸ್ಪಧರ್ಾತ್ಮಕ ಯುಗದಲ್ಲಿ ಭ್ರಷ್ಟಾಚಾರ ತುಂಬಿ ತುಳುಕುತ್ತಿದೆ. ಜನರಲ್ಲಿ ಇದೊಂದು ಮಾರಕ ರೋಗವಾಗಿ ಪರಿಣಮಿಸಿದೆ, ಪ್ರತಿಯೊಂದು ಕ್ಷೇತ್ರದಲ್ಲಿಯೂ ಭ್ರಷ್ಟಾಚಾರ ನಡೆಯುತ್ತಿರುವದು ಅನಾಗರಿಕತೆಯ ಲಕ್ಷಣ, ಇದೊಂದು ಉತ್ತಮ ಸಂಸ್ಕೃತಿಗೆ ಕಳಂಕ ಹಾಗೂ ದೇಶದ ಪ್ರಗತಿಗೆ ಮಾರಕವಾಗಿದೆ, ಎಲ್ಲಿಯವರೆಗೆ ಭ್ರಷ್ಟಾಚಾರ ತಾಂಡವಾಡುತ್ತದೋ ಅಲ್ಲಿಯವರೆಗೂ ಅಭಿವೃದ್ದಿ ಸಾಧ್ಯವಿಲ್ಲ.

ಇಂದಿನ ದಿನಮಾನಗಳಲ್ಲಿ ಪ್ರತಿಯೊಬ್ಬ ವ್ಯಕ್ತಿ ತನ್ನ ಜೀವನದ ಸಾಮಾಜಿಕ, ಆಥರ್ಿಕ ಹಾಗೂ ಧಾಮರ್ಿಕ ವಿಷಯಗಳ ಬಗ್ಗೆ ಚಿಂತನೆ ಮಾಡುವ ಪ್ರಜ್ಞೆ ಇದೆ, ಅದೇ ರೀತಿ ಭ್ರಷ್ಟಾಚಾರದ ನಿಮರ್ೂಲನೆ ಬಗ್ಗೆಯೂ ಚಿಂತನೆ ನಡೆಸಿ ಪರಿಹಾರ ಕಂಡುಕೊಳ್ಳುವದು ಅತ್ಯವಶ್ಯಕವಾಗಿದೆ. ಪ್ರಜಾಪ್ರಭುತ್ವದ ರಾಜಕೀಯ ಕ್ಷೇತ್ರದಲ್ಲಿ ಭ್ರಷ್ಟಾಚಾರ ಅತಿರೇಕವಾಗುತ್ತಿದೆ, ದೆಶದ ಪ್ರತಿಯೊಬ್ಬ ಪ್ರಜೆಯೂ ಇದನ್ನು ಗಂಭೀರವಾಗಿ ಪರಿಗಣಿಸಿ ಭ್ರಷ್ಟಾಚಾರ ತೊಲಗಿಸುವ ನಿಟ್ಟಿನಲ್ಲಿ ಹೋರಾಡಬೆಕಾಗಿದೆ.

ಭ್ರಷ್ಟಾಚಾರ ಈಗ ಹೆಮ್ಮರವಾಗಿ ಬೆಳೆದು ನಿಂತಿದೆ.ಇದರಿಂದ ಎಷ್ಟೋ ಜನ ಮನೆಗಳನ್ನು ಕಳೆದುಕೊಂಡಿರುವದಲ್ಲದೇ ಮಾನಸಿಕ ನೆಮ್ಮದಿಯನ್ನು ಹಾಳು ಮಾಡಿದೆ, ಪ್ರತಿಭಾವಂತ ವ್ಯಕ್ತಿಗಳಿಗೆ ಕೆಲಸ ಸಿಗದೆ ಪ್ರಾಣ ಬಿಟ್ಟಿರುವ ಉದಾಹರಣೆಗಳೂ ಇವೆ, ಕಿತ್ತು ತಿನ್ನುವ ಬಡತನದಿಂದ ಕುಗ್ಗಿ ಹೋಗಿರುವವರು ಈ ಭ್ರಷ್ಟಾಚಾರಕ್ಕೆ ಒಳಗಾದ ಅಮಾಯಕರಾಗಿದ್ದಾರೆ, ಇಂದಿನ ವ್ಯವಸ್ಥೆಯಲ್ಲಿ 'ಲಂಚ ಸ್ವೀಕಾರ' ಮಾಡುವದು ಸವರ್ೇ ಸಾಮಾನ್ಯವಾಗಿದೆ. ಇಂದು ನಡೆದ ಅತಿವೇಗದ ಜೀವನದಲ್ಲಿ ಜನರು ತಮ್ಮ ಕೆಲಸಗಳನ್ನು ಬಹಳ ಬೇಗ ಮುಗಿಸಲೆಂದು ಲಂಚ ಕೊಟ್ಟು ಕಾರ್ಯವನ್ನು ಸಾಧಿಸಿಕೊಳ್ಳುವ ಭರದಲ್ಲಿ ತಾವೇ ಮುಂದೆ ನಿಂತು ಭ್ರಷ್ಟಾಚಾರವನ್ನು ಹುಟ್ಟು ಹಾಕಲು ಕಾರಣರಾಗುತ್ತಿದ್ದಾರೆ. ಲಂಚ ಪಡೆದುಕೊಳ್ಳಲು ಪ್ರಮುಖವಾದ ಕಾರಣವೆಂದರೆ ಮನುಷ್ಯನಿಗೆ ಇರುವ ಅತಿಯಾದ ದುರಾಸೆ ಎನ್ನಬಹುದು. ಸ್ವಲ್ಪ ಇದ್ದಾಗ, ಇನ್ನೂ ಸ್ವಲ್ಪ ಬೇಕೆನ್ನುವ ಆಸೆ, ಇನ್ನಷ್ಟೂ ಇದ್ದಾಗ ಮತ್ತಷ್ಟೂ ಬೇಕೆನ್ನುವ ಆಸೆ. ಈ ರೀತಿಯಾಗಿ ಮನುಷ್ಯ ಸ್ವಾರ್ಥ, ಅತಿಲೋಭೀಯಗಿರುವದರಿಂದ ಲಂಚ ಪಡೆದು ಭ್ರಷ್ಟಾಚಾರ ಎಸಗಲು ಮುಂದಾಗುತ್ತಾನೆ.

ಜನರು ಅಲ್ಪ ತೃಪ್ತಿಯಾದಾಗ, ಅವರಿಗೆ ಮೂಲಭೂತ ಅವಶ್ಯಕತೆಗಳು ಸಮರ್ಪಕವಾಗಿ ದೊರೆಯದೆ ಇದ್ದಾಗ, ಐಶಾರಾಮಿ ಜೀವನದ ಬಗ್ಗೆ ಕನಸು ಕಾಣುವಾಗ, ಇಂತಹ ವ್ಯತಿರಿಕ್ತ ಆಲೋಚನೆಗಳು ಅವರ ಮನಸ್ಸಿನಲ್ಲಿ ಮೂಡುತ್ತಿರುತ್ತವೆ ಸ್ಪಧಾತ್ಮಕತೆ ಹೆಚ್ಚಾಗಿರುವದರಿಂದ, ಸಮಯದ ಅಭಾವದಿಂದ, ಅತಿಯಾದ ತಂತ್ರಜ್ಞಾನದಿಂದ, ವೇತನಗಳಲ್ಲಿ ತಾರತಮ್ಯವಾದಾಗ, ಇನ್ನೊಬ್ಬರನ್ನು ನೋಡಿ ಅನುಕರಿಸಬೇಕೆಂಬ ಹುಚ್ಚು ಸಾಹಸದಿಂದ, ಸಂಸ್ಕಾರದ ಕೊರತೆಯಿಂದ, ಶಿಕ್ಷಣದಲ್ಲಿ ಏರುಪೇರಾದಾಗ, ನೈತಿಕ ಮೌಲ್ಯ ಕುಸಿದಾಗ, ಸತ್ಸಂಗದ ಕೊರತೆ ಎದ್ದು ಕಾಣುವಾಗ, ದುಶ್ಚಟಗಳಿಗೆ ಬಲಿಯಾದಾಗ, ಬೆಲೆ ಏರಿಕೆ ಅತಿಯಾದಾಗ, ಜನರು ಭ್ರಷ್ಟಾಚಾರವೆಸಗಲು ತೊಡಗುತ್ತಾರೆ ಎಂದು ಹೇಳಬಹುದು.

ಮುಂದೆ ಇದೇ ರೀತಿ ಮುಂದುವರಿದರೆ, ಪೀಳಿಗೆಯಿಂದ ಪೀಳಿಗೆಗೂ ವ್ಯಾಪಿಸಿ ಇದು ಒಂದು ವಾಸಿಯಾಗದ ರೋಗವಾಗಿ ಪರಿಣಮಿಸುತ್ತದೆ. ಇದಕ್ಕೆ ಪರಿಹಾರ ಕಂಡುಕೊಳ್ಳಲು ಪ್ರಜ್ಞಾವಂತ ಜನರು ಕಾರ್ಯಪ್ರವೃತ್ತರಾಗಬೇಕು. ಇದಕ್ಕೆ ಆತ್ಮಜ್ಞಾನದ ಅವಶ್ಯಕತೆ ಇದೆ, ರಚನಾತ್ಮಕವಾಗಿ ವಿಚಾರ ಮಾಡುವ ಗುಣಗಳು ಬೇಕು, ಭ್ರಷ್ಟಾಚಾರ ತೊಲಗಿಸಲು ಬರುವವರೆಲ್ಲ ಭ್ರಷ್ಟಾಚಾರಿಗಳಾಗಬಾರದು, ಬೇಲೀನೇ ಎದ್ದು ಹೊಲ ಮೇಯ್ದಂತೆ ಆಗುತ್ತದೆ;, ತಾವು ಅತ್ಮ ವಿಮಶರ್ೆ ಮಾಡಿಕೊಂಡು ಪ್ರಾಮಾಣಿಕವಾಗಿ ಕಾರ್ಯಪ್ರವೃತ್ತರಾಗಬೇಕು, ಆಲೋಚನಾ ಶೈಲಿಗಳು ಬದಲಾಗಬೇಕು, ಸರಳಜೀವನವನ್ನು ರೂಡಿಸಿಕೊಳ್ಳುವಂತಹ ಮನೋಭಾವ ಬೆಳೆಯಬೇಕು.

ದೇಶ ಪ್ರೇಮವನ್ನು ಬೆಳೆಸಿಕೊಳ್ಳಬೇಕು, ನಾವು-ನಮ್ಮವರು ಎನ್ನುವ ಭಾವನೆ ಇರಬೇಕು, ಒಬ್ಬನು ಎಲ್ಲರಿಗಾಗಿ, ಎಲ್ಲರೂ ಒಬ್ಬನಿಗಾಗಿ, ಎನ್ನುವ ನೀತಿಯನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು, ಇನ್ನೊಬರಿಗೆ ಮೋಸ, ವಂಚನೆ ಮಾಡಿ ಹಣ ಗಳಿಸಬೇಕು ಎನ್ನುವ ದುರಾಸೆ ಬಿಡಬೇಕು, ಇದರಿಂದ ಎಷ್ಟು ಗಳಿಸಿದರೂ ಫಲವಿಲ್ಲ, ಅದು ಎಲ್ಲಿಗೆ ಹೋಗಬೇಕು, ಅಲ್ಲಿಗೆ ಹೋಗುತ್ತದೆ, ಇಲ್ಲಿ ಪ್ರೀತಿ ವಿಶ್ವಾಸಗಳು ಮುಖ್ಯ.

ಸರಕಾರವು ಭ್ರಷ್ಟಾಚಾರವನ್ನು ತೊಲಗಿಸಲು ಲೋಕಾಯುಕ್ತರನ್ನು ನೇಮಿಸಿದೆ, ಪ್ರಸ್ತುತ ರಾಜ್ಯದ ಲೋಕಾಯುಕ್ತರು ನಿಸ್ವಾರ್ಥ ಸೇವೆ ಸಲ್ಲಿಸಬೇಕು, ಅವರಿಗೆ ಹೆಚ್ಚಿನ ಅಧಿಕಾರ ನೀಡಿ ಬಲಪಡಿಸಬೇಕಾಗಿದೆ. ಆದಾಯ ತೆರಿಗೆ ಇಲಾಖೆಯವರು ಇದಕ್ಕೆ ಹೊರತಲ್ಲ ಅವರೂ ಸಹ ನಿಸ್ವಾರ್ಥದಿಂದ ಸೇವೆ ಮಾಡಬೇಕಾಗಿದೆ, ಕೋಟಿಗಟ್ಟಲೆ ಹಣವನ್ನು ಜನರಿಂದ ದೋಚುತ್ತಾ ವಂಚನೆ ಮಾಡುತ್ತಿರುವವರ ಹಣವನ್ನು ಒತ್ತುವರಿ ಮಾಡಿಕೊಳ್ಳಬೇಕು. ಜನರಿಗೆ ಮೋಸ ಮಾಡಿ ಅವರಿಂದ ತೆಗೆದುಕೊಂಡ ಲಂಚದ ಹಣವನ್ನು ಸ್ವಿಸ್ ಬ್ಯಾಂಕ್ಗಳಂತಹ ಗುಪ್ತ ವ್ಯವಹಾರ ಸಂಸ್ಥೆಗಳಲ್ಲಿ ಇಡಲಾಗುತ್ತಿದೆ. ಅಂತಹ ಸಂಸ್ಥೆಗಳನ್ನು ಮುಚ್ಚುವಂತೆ ಆಗಬೇಕು, ಆಡಳಿತದಲ್ಲಿ ಕಟ್ಟುಪಾಡುಗಳಾಬೇಕು, ಭ್ರಷ್ಟಾಚಾರ ನಿಮರ್ೂಲನಾ ಕಾಯ್ದೆಯು ಸಮರ್ಪಕವಾಗಿ ಜಾರಿಗೆಯಾಗಬೇಕು, ಭ್ರಷ್ಟಾಚಾರಿಗಳಿಗೆ ಕಠಿಣ ಶಿಕ್ಷೆಯಾಗಬೇಕು. ಯುವಕರು ಸನ್ನದ್ಧರಾಗಬೆಕು.

-ಅಮರೇಶ ನಾಯಕ ಜಾಲಹಳ್ಳಿ
Cell-9945268059