Swabhimaanada Jeevana (Published)

ಸ್ವಾಭಿಮಾನದಿಂದ ಬದುಕಿ...

ಸ್ವಾಭಿಮಾನದಿಂದ ಬದುಕುವದನ್ನು ಕಲಿಯಬೇಕು, ಇನ್ನೊಬ್ಬರ ಮೇಲೆ ಹೆಚ್ಚು ಅವಲಂಭಿತರಾಗದೆ ಜೀವನ ಸಾಗಿಸುವದನ್ನು ಕಲಿತರೆ ಮನುಷ್ಯನಿಗೆ ಯಾವುದೇ ತರಹದ ನಿಂದನೆಗಳು ಯಾರಿಂದಲೂ ಬರುವ ಸಾಧ್ಯತೆಗಳು ಇರುವದಿಲ್ಲ. 'ಉದ್ಯೋಗಂ ಪುರುಷ ಲಕ್ಷಣಂ' ಎನ್ನುವಂತೆ ಉದ್ಯೋಗ ಮಾಡುವದು ಮನುಷ್ಯನ ಲಕ್ಷಣವಾಗಿದೆ. ಒಂದೇ ರೀತಿಯ ಉದ್ಯೋಗಕ್ಕೆ ಆಕಷರ್ಿತನಾಗದೆ ತನಗೆ ಗೊತ್ತಿರುವ ಕೆಲವಾರು ಉದ್ಯೋಗಳನ್ನು ಕೈಗೊಂಡು ಕಾರ್ಯ ಪ್ರವೃತ್ತನಾಗಬೇಕಾಗುತ್ತದೆ. ಹುಟ್ಟಿದಾಗ ಯಾವ ಮಗುವು ಕಲಿತು ಬಂದಿರುವದಿಲ್ಲ, ಮಗು ಬೆಳೆಯುತ್ತಾ, ಹಂತ ಹಂತವಾಗಿ ಕಲಿಯಲಾರಂಭಿಸುತ್ತದೆ, ಅದು ಇನ್ನೊಬ್ಬರನ್ನು ನೋಡಿ ಕಲಿಯುತ್ತದೆ, ಅನುಕರಣೆ ಮಾಡುತ್ತದೆ, ಅನುಕರಣೆ ಪ್ರೇರಣೆಯಾಗುತ್ತದೆ, ಮಗು ಮನೆಯವರನ್ನು ಅವಲಂಭಿಸಿರುತ್ತದೆ, ಮನೆಯ ವಾತವರಣವೇ ಮಗುವಿಗೆ ಪಾಠ ಹೇಳುತ್ತದೆ, ಅಲ್ಲಿನ ಸಂಸ್ಕೃತಿಗನುಗುಣವಾಗಿ ಮಕ್ಕಳ ಬೆಳವಣಿಗೆಯಾಗುತ್ತದೆ.

ಪ್ರೌಢಾವಸ್ಥೆಗೆ ಬಂದ ಮಕ್ಕಳು ಇಂದು ಹಲವು ಚಟಗಳಿಗೆ ಬಲಿಯಾಗುತ್ತಿದ್ದಾರೆ, ಅದರಿಂದ ಜೀವನ ಹಾಳಾಗುತ್ತದೆ, ಅವರು ಮಾಡುವ ಕೆಟ್ಟ ಆಲೋಚನೆಗಳೇ ಜೀವನವನ್ನು ಬಲಿ ತೆಗೆದುಕೊಳ್ಳುತ್ತವೆ, ಸಮಾಜದಲ್ಲಿ ಒಳ್ಳೆಯ ವ್ಯಕ್ತಿಗಳಾಗಿ ಬದುಕಬೇಕೆಂಬ ಆಸೆ ಎಲ್ಲರಿಗೂ ಇರುತ್ತದೆ, ಆದರೆ ಸಂದರ್ಭಗಳು ಮನುಷ್ಯನ ದಿಕ್ಕನ್ನು ಬದಲಾಯಿಸುತ್ತವೆ, ಇಂದಿನ ಯುವಕರು ತಮ್ಮ ಜೀವನದ ಗುರಿ ಏನೆಂಬುದನ್ನು ತಿಳಿದುಕೊಳ್ಳದೆ ಏನೋ ಮಾಡಲು ಹೋಗಿ, ಇನ್ನೆನೋ ಮಾಡುತ್ತಾರೆ.

ಮೊದಲು ಜೀವನದಲ್ಲಿ ಯಾವ ರೀತಿಯಲ್ಲಿ ಸಾಧನೆ ಮಾಡಬೇಕೆಂಬುದರ ಬಗ್ಗೆ ಸ್ಪಷ್ಟವಾದ ನಿಧರ್ಾರ ಕೈಗೊಳ್ಳಬೇಕು, ಯಾವುದೇ ಗೊಂದಲಕ್ಕೀಡಾಗದೆ ಗುರಿ ಇಟ್ಟುಕೊಂಡು ಅದನ್ನು ಸಾಧಿಸುವದರ ಕಡೆಗೆ ಗಮನ ಹರಿಸಬೇಕು, 'ಗುರಿಯಿಲ್ಲದ ಮನುಷ್ಯ, ಗರಿಯಿಲ್ಲದ ಪಕ್ಷಿಯಂತೆ' ಜೀವನವು ತುಂಬಾ ಅಮೂಲ್ಯವಾದುದು, ಬಂಗಾರದಂತಹ ಜೀವನವನ್ನು ಹಾಳು ಮಾಡಿಕೊಳ್ಳಬಾರದು. ಮನಸ್ಸು ಬಂದ ಹಾಗೆ ಜೀವಿಸುವದು ಜೀವನವಲ್ಲ, ಎಲ್ಲರಂತೆ ನಾನೂ ಒಬ್ಬ ಎಂದು ಯೋಚಿಸುವದಕ್ಕಿಂತ ಎಲ್ಲರೊಳಗೆ ನಾನು ಭಿನ್ನವಾದ ವ್ಯಕ್ತಿಯಾಗಬೇಕು, ಎನ್ನುವ ವಿಚಾರದಿಂದ ಬಾಳಬೇಕು, ನಮಗೆ ಗೌರವ ಸಿಗಬೇಕಾದರೆ ಮೊದಲು ನಮ್ಮನ್ನು ನಾವು ಗೌರವಿಸಿಕೊಳ್ಳುವದನ್ನು ಕಲಿಯಬೇಕು, ನಮ್ಮಲ್ಲಿ ನಮಗೆ ನಂಬಿಕೆ ಹುಟ್ಟಬೇಕು, ಆತ್ಮವಿಶ್ವಾಸ ಬೆಳೆಯಬೇಕು, ನಮ್ಮನ್ನು ನಾವು ಕಾಪಾಡಿಕೊಳ್ಳುವ ಶಕ್ತಿ ಬಂದರೆ, ಇನ್ನೊಬ್ಬರನ್ನು ಕಾಪಾಡುವದು ಸುಲಭವಾಗಬಹುದು.

ಮನೆಯಲ್ಲಿ ದಂಡಪಿಂಡನೆನಿಸಿಕೊಂಡು, ಹಾದಿ ಬೀದಿಯಲ್ಲಿ ಕೆಲಸಕ್ಕೆ ಬಾರದವನು ಎನಿಸಿಕೊಳ್ಳುವದಕ್ಕಿಂತ ನಮ್ಮ ಕಾಲ ಮೇಲೆ ನಾವು ನಿಲ್ಲುವ ಪ್ರಯತ್ನ ಮಾಡಬೇಕು, ಪ್ರಯತ್ನಕ್ಕೆ ತಕ್ಕ ಪ್ರತಿಫಲ ಸಿಕ್ಕೇ ಸಿಗುತ್ತದೆ, ಮರಳಿ ಯತ್ನವ ಮಾಡು, ಮರಳಿ ಯತ್ನವ ಮಾಡು, ಎನ್ನುವ ವಾಕ್ಯವನ್ನು ಬಾಳಿನಲ್ಲಿ ರೂಡಿಸಿಕೊಳ್ಳಬೇಕು, ಶ್ರದ್ದೆಯಿಂದ ಕೆಲಸ ಮಾಡಬೇಕು, ಏಕೆಂದರೆ ಶ್ರದ್ದೆಯೇ ಸಿದ್ಧಿಯ ಕೀಲಿ ಕೈ. ಇತ್ತೀಚಿನ ದಿನಮಾನಗಳಲ್ಲಿ ಜನರು ತಮ್ಮ ವೃತ್ತಿಯ ಬಗ್ಗೆ ಬೇಸರ ವ್ಯಕ್ತಪಡಿಸುತ್ತಿರುತ್ತಾರೆ, ಅಂಥವರು ಮೊದಲು ತಮ್ಮ ವೃತ್ತಿ ಗೌರವವನ್ನು ಬೆಳೆಸಿಕೊಳ್ಳಬೇಕು. ಎಲ್ಲರೂ ಒಬ್ಬರನ್ನೊಬ್ಬರು ಅವಲಂಭಿಸಿ ಬದುಕುವದು ರೂಡಿಯಾಗಿಬಿಟ್ಟಿದೆ, ಇದು ಮನುಷ್ಯನನ್ನು ಸೋಮಾರಿಯನ್ನಾಗಿ ಮಾಡುತ್ತದೆ, ಪರಾವಲಂಭಿಯಾಗಿ ಬದುಕುದನ್ನು ಕಲಿಯಬೇಕು, ಏಕೆಂದರೆ ಎಲ್ಲರೂ ಎಲ್ಲ ಸಮಯದಲ್ಲಿ ಜೊತೆಯಲ್ಲಿರಲು ಸಾಧ್ಯವಿಲ್ಲ, ಸದಾ ನಮ್ಮ ಜತೆಯಲ್ಲಿಯೇ ಇರುವ ನಮ್ಮ ನೆರಳು ಕೂಡ ಒಂದು ಸಮಯದಲ್ಲಿ ಬಿಟ್ಟು ಹೋಗುತ್ತದೆ.

ಯಾವುದೇ ಕೆಲಸ ಮಾಡಬೆಕಾದರೂ ನಿಧಾನ, ನಿರಂತರ ಕ್ರಿಯೆಯಲ್ಲಿರಬೆಕು, ಅಸಾಧ್ಯ ಎನ್ನುವ ಪದವನ್ನು ತೆಗೆದು ಹಾಕಿ, ಸಾಧ್ಯ ಎಂದು ಮುನ್ನಡೆಯಬೇಕು, ಶಿಖರವನ್ನೇರಬೇಕೆಂದರೂ ಮೊದಲ ಹೆಜ್ಜೆ ಭೂಮಿಯಿಂದಲೇ ಇಡಬೆಕಾಗುತ್ತದೆ, ಸ್ವಾಭಿಮಾನದಿಂದ ಬದುಕಿ ತೋರಿಸಿದವರು ವಿರಳ, ಅದು ಸರಳ ಎಂದು ತೋರಿಸಲು ನಿಮ್ಮ ಜೀವನ ಸವಾಲಾಗಿ ಮಾರ್ಪಡಲಿ.

ನಿಮ್ಮೆಲ್ಲರಲ್ಲೂ ಹುದುಗಿದೆ ಅನಂತ ಶಕ್ತಿ
ಅದನ್ನು ಹಗಲಿನಷ್ಟು ಸ್ಪಷ್ಟವಾಗಿ
ಕಾಣುತ್ತಿದೆಯನ್ನ ದೃಷ್ಟಿ:
ವ್ಯಕ್ತಗೊಳಿಸಿಕೊಳ್ಳಿರೈ ಆ ಅನಂತ ಶಕ್ತಿಯನ್ನು!
ಎದ್ದು ಬೆಳಗಿಸಿಕೊಳ್ಳಿರೈ ನಿಮ್ಮ ಬದುಕನ್ನು!

ಎನ್ನುವ ವಿವೇಕವಾಣಿಯು ನಿಮ್ಮ ಜೀವನದ ಬದಲಾವಣೆಗೆ ಕಾರಣವಾಗಲಿ.

-ಅಮರೇಶ ನಾಯಕ
Cell-9945268059