Sole Geluvu (Published)

ಸೋಲೇ ಗೆಲುವಿನ ಸೋಪಾನ..

 ಮನುಷ್ಯ ಎಂಥವನೆನ್ನುವದು ಅವನು ಗೆದ್ದಾಗ ಗೊತ್ತಾಗುವದಿಲ್ಲ ಅದು ಅವನು ಸೋತಾಗ ಗೊತ್ತಾಗುತ್ತದೆ. ಸೋಲು ಮನುಷ್ಯನ ಬಲವನ್ನು ಹೆಚ್ಚಿಸುವಂತೆ, ಗೆಲುವು ಹೆಚ್ಚಿಸುವದಿಲ್ಲ, ಯಾಕೆಂದರೆ ದಾಹ ಆದಾಗಲೇ ನೀರಿನ ಮಹತ್ವ ತಿಳಿಯುವದು. ಮನಸ್ಸು ಮಾಡಿದರೆ ಅಸಾಧ್ಯವಾದುದು ಯಾವುದು ಇಲ್ಲ, ಆತ್ಮವಿಶ್ವಾಸ ಪ್ರಬಲವಾಗಿದ್ದಾಗ ಅಸಾಧ್ಯಾವಾದುದನ್ನು, ಸಾಧ್ಯ ಮಾಡಿ ತೋರಿಸಬಲ್ಲವನಾಗುತ್ತಾನೆ, ಪ್ರತಿಯೊಂದು ಗುರಿ ಮುಟ್ಟುವದಕ್ಕೂ ಹಲವಾರು ದಾರಿಗಳಿವೆ, ಸ್ಪಷ್ಠವಾದ ನಿಧರ್ಾರ, ಸಾಧಿಸುವ ಛಲ ಇರಬೇಕು.

ಆತ್ಮವಿಶ್ವಾಸ, ಧೈರ್ಯ, ಶ್ರದ್ದೆ, ಕೆಲಸ ಸಾಧಿಸುವ ನಿರಂತರ ಪ್ರವೃತ್ತಿಯನ್ನು ಬೆಳೆಸಿಕೊಳ್ಳಬೇಕು, ಪ್ರಯತ್ನ ಎಂಬ ತಾಯಿಗೆ, ಅವಕಾಶ ಎಂಬ ತಂದೆಗೆ ಜನಿಸುವ ಮಗು ಅದೃಷ್ಟ, ಎನ್ನುತ್ತಾರೆ ತಿಳಿದವರು. ನಾವು ಮಾಡುವ ಪ್ರಯತ್ನವು ಯಶಸ್ಸಿಗೆ ಜಿಗಿದು ಹೋಗುವ ಸೋಪಾನವಾಗಿದೆ, ಪ್ರತಿಯೊಂದು ಮೆಟ್ಟಿಲನ್ನು ಏರಿ ಯಶಸ್ಸಿನ ಹಾದಿ ಹಿಡಿಯುವ ಪ್ರಯತ್ನ ಪ್ರತಿಯೊಬ್ಬರಲ್ಲೂ ಸದಾ ಇರಬೇಕು. ಬದುಕಬೇಕು ಬದುಕಿ ತೋರಿಸಬೇಕು, ಗೆಲ್ಲಬೇಕು ಎನ್ನುವ ಮನೋ ಭಾವನೆಯಿಂದ ಮುನ್ನಡೆಯಬೇಕು, ಗೆಲ್ಲುವ ನಿಧರ್ಾರ ತೊಟ್ಟವನು ಸೋಲುವದಕ್ಕೆ ಸಾಧ್ಯವಿಲ್ಲ.

 ಜೀವನದಲ್ಲಿ ಪ್ರತಿಯೊಬ್ಬರಿಗೂ ಒಂದಿಲ್ಲೊಂದು ಹಂತದಲ್ಲಿ ಕಹಿ ಅನುಭವ ಆಗಿಯೇ ಆಗುತ್ತದೆ. ಅಂತಹ ಕಹಿ ಅನುಭವಗಳಿಂದ ಪಾಠ ಕಲಿತು, ಸಮಸ್ಯೆ ಗಳನ್ನು ಎದುರಿಸಿ ಬದುಕುವದು ಧೈರ್ಯವಂತರ ಹಾಗೂ ಆಶಾವಾದಿಗಳ ಲಕ್ಷಣವಾಗಿದೆ. ನಮ್ಮ ಜೀವನವನ್ನು ನಾವೇ ರೂಪಿಸಿಕೊಳ್ಳಬೇಕಾಗುತ್ತದೆ, ಬೇರೆಯವರು ಬಂದು ರೂಪಿಸುತ್ತಾರೆಂದು ತಿಳಿದರೆ ಅದು ತಪ್ಪು. ಇಂದಿನ ಸ್ಪಧರ್ಾತ್ಮಕ ಯುಗದಲ್ಲಿ ಪ್ರತಿಯೊಂದು ಕ್ಷೇತ್ರದಲ್ಲೂ ತೀವ್ರ ಪೈ ಪೋಟಿ ಇರುವದರಿಂದ ಸೋಲನ್ನು ಸವಾಲಾಗಿ ಸ್ವೀಕರಿಸಿ, ಗೆಲುವನ್ನಾಗಿ ಪರಿವತರ್ಿಸುವ ನಿಟ್ಟಿನಲ್ಲಿ ನಮ್ಮ ಆಲೋಚನಾ ಲಹರಿ ಇರಬೇಕು. ನಿಮ್ಮ ಸುಪ್ತ ಮನಸ್ಸಿನಲ್ಲಿ ಅಡಗಿರುವ ಶಕ್ತಿಯನ್ನು ಬಡಿದೆಬ್ಬಿಸಿ ಕಾರ್ಯಪ್ರವೃತ್ತವಾಗುವಂತೆ ಮಾಡಬೇಕಾಗುತ್ತದೆ.

 ಜೀವನದಲ್ಲಿ ಯಶಸ್ಸನ್ನು ಸಾಧಿಸಬೇಕಾದರೆ ಕೇವಲ ಗುರಿಯನ್ನು ಇಟ್ಟುಕೊಂಡು ಆ ನಿಟ್ಟಿನಲ್ಲಿ ಪ್ರಯತ್ನಿಸದೆ ಕನಸು ಕಾಣುತ್ತಾ ಕುಳಿತರೆ ಸಾಲದು. ಆ ದಿಶೆಯಲ್ಲಿ ಧೃಡ ಸಂಕಲ್ಪ ತಾಳಿ, ನಮ್ಮ ಮನಸ್ಸನ್ನು ಸನ್ನದ್ಧಗೊಳಿಸಬೇಕಾಗುತ್ತದೆ, ಪ್ರಯತ್ನದೊಂದಿಗೆ ಮುನ್ನುಗ್ಗಬೇಕಾಗುತ್ತದೆ. ಮುಂದೆ ಗುರಿ ಇರಬೇಕು, ಹಿಂದೆ ಗುರು ಇರಬೇಕು, ಏನಾದರೂ ಮಾಡಬೇಕಾದರೆ ಅದಕ್ಕೆ ಮಾರ್ಗದರ್ಶನ ಅವಶ್ಯವಾಗಿ ಬೇಕಾಗುತ್ತದೆ, ಇದರಿಂದ ಸಾಧನೆ ಸುಲಭವಾಗುತ್ತದೆ. ಒಳ್ಳೆಯ ಕಾರ್ಯಕ್ಕೆ, ಹಲವು ವಿಘ್ನಗಳು ಎಂಬಂತೆ ನಮ್ಮ ಪ್ರಯತ್ನದಲ್ಲಿ ಹಲವು ಅಡ್ಡಿ ಆತಂಕಗಳು ಬರಬಹುದು, ಅವುಗಳಿಗೆಲ್ಲ ಅಂಜದೆ ದಿಟ್ಟ ಹೆಜ್ಜೆಯೊಂದಿಗೆ ಮುನ್ನುಗ್ಗಿದಾಗ ಮಾತ್ರ ನೀವು ಇಟ್ಟ ಪ್ರತಿಯೊಂದು ಹೆಜ್ಜೆಯೂ, ನಿಮ್ಮ ಮುಂದಿನ ಹೆಜ್ಜೆಗೆ ಭದ್ರಬುನಾದಿಯಾಗಿ, ಬೆಂಗಾವಾಲಾಗಿ ನಿಲ್ಲುತ್ತದೆ. ಜೀವನವೆಂದರೆ ಕಷ್ಟ, ಸುಖಗಳ ಸಮ್ಮಿಲನ, ಸುಖವಾಗಲೀ, ದು:ಖವಾಗಲೀ ಶಾಶ್ವತವಾಗಿ ಇರದೆ ಅವು ಬದಲಾಗುತ್ತಿರುತ್ತವೆ. ಸೋಲು ಉಂಟಾದಾಗ ಸೂಕ್ಷ್ಮ ಪರಿಶೀಲನೆ ಅಗತ್ಯ, ಇಲ್ಲದಿದ್ದಲ್ಲಿ ಸೋಲಿನಿಂದ ನೀವು ಏನು ಕಲಿಯಲಾರಿರಿ, ಗೆಲುವಿಗಾಗಿ ಮಾಡುವ ಪ್ರಯತ್ನದಲ್ಲಿ ಅಡೆತಡೆಗಳು ಬರುತ್ತಲೇ ಇರುತ್ತವೆ, ಇದರಲ್ಲಿ ಅನುಮಾನವೇ ಇಲ್ಲ,

  ಗೆಲುವು ಸುಲಭವಾಗಿ ಸಿಗಬಹುದಾಗಿದ್ದರೆ ಎಲ್ಲರೂ ಯಶಸ್ವಿಯಾಗಿ ಬಿಡುತ್ತಿದ್ದರು.

ಯಶಸ್ವಿ ವ್ಯಕ್ತಿಗಳು ಸೋಲನ್ನು ಸವಾಲಾಗಿ ತೆಗೆದುಕೊಳ್ಳುತ್ತಾರೆ,
ಉಳಿದವರು ಸೋಲಿಗೆ ಶರಣಾಗಿ ಬಿಡುತ್ತಾರೆ,
ಯಶಸ್ವಿ ವ್ಯಕ್ತಿಗಳು ಸೋಲುಗಳಲ್ಲಿ ಪಾಠಗಳನ್ನು ಕಲಿಯುತ್ತಾರೆ,
ಸೋಲಿನಿಂದ ಕಲಿತಿದ್ದನ್ನು ಇತರರು ಮರೆತು ಬಿಡುತ್ತಾರೆ.
ಈ ಸೋಲು ಗೆಲುವಿನ ಅಂತರ ತಿಳಿದವರು ತಮ್ಮ ಜೀವನದಲ್ಲಿ ಯಶಸ್ಸನ್ನು ಸಾಧಿಸಲು ಪ್ರಾಮಾಣಿಕವಾಗಿ ಪ್ರಯತ್ನ ಮಾಡುತ್ತಾರೆ. ಸೋಲು ಗೆಲುವೆಂಬುದು ಒಂದು ನಾಣ್ಯದ ಎರಡು ಮುಖಗಳಿದ್ದಂತೆ, ಒಂದನ್ನು ಬಿಟ್ಟು ಒಂದು ಇರಲಾರವು.

-ಅಮರೇಶ ನಾಯಕ ಜಾಲಹಳ್ಳಿ,
Cell-9945268059